طريقة عمل جاكيت شتوى للاولاد بغرزة الباسكت
.jpeg "جاكيت كروشيه شتوى بغرزة الباسكت") |
| جاكيت كروشيه شتوى بغرزة الباسكت |
بسم الله الرحمن الرحيم
ازيكم يا حبايبي عاملين ايه
موديل النهارده عباره عن جاكيت كروشيه شتوي للاولاد
مناسب للاطفال ومناسب كمان للكبار تقدري تنفذيه لاي سن وباي مقاس
اهم حاجه في الموديل بتاعنا هي تقسيمه الصدر
وهيكون معانا جدول لتقسيمه الصدر لاي سن
كمان هيكون في جدول المقاسات وفيديو تعليمي لطريقه العمل بالتفصيل
.jpeg "جاكيت كروشيه شتوى بغرزة الباسكت")
مواصفات الموديل
تم تنفيذ الموديل لسن سنه ونص
نوع الخيط المستخدم خيط فاشون ستوك
مقاس الابره اربعه ونص
كميه الخيط 270 جرام تقريبا
المقاسات المطلوبه
اول مقاس مقاس محيط دوران الرقبه
مقاس محيط دوران الذراع
مقاس محيط دوران الصدر
طول الكم الطويل
الطول الكلي للموديل وده متروك لك
بدايه العمل
تحديد السن المطلوب والانتقال لجدول المقاسات ومعرفه مقاس محيط دوران الرقبه
بنزود على مقاس محيط دوران الرقبه 5 سم
ونشتغل سلسله بالطول المطلوب هنراعي في السلسله انها تكون من مضاعفات العدد اربعه
بعد وصول السلسله للطول المطلوب والتاكد من انها من مضاعفات العدد اربعه نبدا في تقسيمه الصدر
ودي صوره تقسيمات الصدر
 |
| تقسيمات الصدر المربع لغرزة الباسكت |
بدايه السطر الاول
بيكون سطر تمهيدي بنرتفع سلسله ودي مجرد ارتفاع وبنشتغل على كل غرزه تقابلنا غرزه حشو
لحين الوصول لمكان الزاويه مكان الزاويه بنشتغل سلسله ونتخطى بيها غرزه واحده
ونكمل غرز حشو
بدايه السطر الجديد
بنرتفع سلسله وبتكون مجرد ارتفاع بنبدا السطر بخمس غرز نص عمود في الحلقه الخلفيه
بعد ذلك بنشتغل على كل غرزه تقابلنا غرزه عمود لحين الوصول لفراغ الزاويه
في الزاويه بنشتغل اثنين عمود سلسله اتنين عمود
وبنكمل السطر على نفس النمط وبينتهي السطر بخمسه نص عمود في الحلقه الخلفيه
اول سطر من سطور النمط
بنرتفع سلسله وبتكون مجرد ارتفاع وبيبدا السطر بخمسه نص عمود في الحلقه الخلفيه
بعد ذلك اول عمود يقابلنا بنشتغل عليه عمود امامي العمود رقم 2 عمود امامي
العمود رقم 3 عمود خلفي العمود رقم اربعه عمود خلفي
وبنستمر اثنين عمود امامي اثنين عمود خلفي لحين الوصول لمكان الزاويه
الاثنين عمود قبل الزاويه يجب ان يكونوا مثل الاثنين عمود بعد الزاويه
في السطر ده مش بنكون زوايا بمعنى بان الزاويه بنشتغل اثنين عمود قبل الفراغ اثنين عمود امامي والاثنين عمود اللي بعد الفراغ اثنين عمود امامي وفوق الفراغ بنعمل سلسله واحده
وهي دي بتعتبر الزاويه وبنستمر على نفس النمط لنهايه السطر وبينتهي السطر بخمسه نص عمود في الحلقه الخلفيه
السطر رقم 2 من النمط
بنرتفع سلسله وبتكون مجرد ارتفاع وبنبدا بخمسه نص عمود في الحلقه الخلفيه
ثم بعد ذلك فوق العمود الامامي بنشتغل عمود خلفي وفوق العمود الخلفي بنشتغل عمود امامي
لحين الوصول لمنطقه الزاويه في فراغ الزاويه بنشتغل اثنين عمود سلسله اثنين عمود
وبنكمل على نفس النمط فوق الاثنين عمود امامي بنشتغل اثنين عمود خلفي
وفوق الاثنين عمود خلفي بنشتغل اثنين عمود امامي
وبنكرر السطر رقم واحد واثنين من النمط لحين وصول القطعه للمقاس المطلوب
للتاكد من وصول قطعه الصدر للمقاس المطلوب بنحتاج مقاسين من جداول المقاسات
اول مقاس بيكون مقاس محيط دوران الذراع يجب جزئيه الكم ان تصل لمقاس محيط دوران الذراع
ثاني مقاس بيكون مقاس محيط دوران الصدر بنقسم مقاس محيط دوران الصدر على اثنين
بمعنى بنحتاج نص مقاس محيط دوران الصدر يجب ان تصل جزئيه الظهر للمقاس المطلوب
وهو نص مقاس محيط دوران الصدر
لاتترددوا فى ترك اى سؤال او استفسار وسوف اجيب علية فى اسرع وقت
يوجد ايضا على المدونة العديد من موديلات الكروشيه مع باترون للغرز
وفيديو تعليمى لكل موديل ولمزيد من الموديلات والفيديوهات التعليمية
تابعوا القناة على اليوتيوب ولتنفيذ اى موديل من اختياركم
تواصلوا معى على جروب الفيس بوك اسم الجروب جنة الكروشيه
