بلوزة كروشيه مميزه جدا بالخطوات
.jpeg "بلوزة كارديجان بوليرو كروشيه للاطفال والكبار")
بسم الله الرحمن الرحيم
ازيكم يا حبايبي عاملين ايه
موديل النهارده عباره عن بلوزه كروشيه صيفي مناسبه للاطفال ومناسبه كمان للكبار
خطواتها سهله هنشتغلها مع بعض بالتفصيل خطوه بخطوه
طريقه عمل البلوزه مختلفه عن الموديلات السابقه من ناحيه اخذ المقاسات
ومن ناحيه بدء الشغل هيكون موجود معانا جميع المقاسات اللي هتحتاجيها
وكمان فيديو تعليمي لطريقه العمل بالتفصيل
مواصفات الموديل
تم تنفيذ الموديل لسن من سنه لسنتين مع امكانيه تعديل الموديل يناسب اي سن واي مقاس
نوع الخيط المستخدم خيط قطن تركي
مقاس الابره 3.5
كميه الخيط 120 جرام تقريبا
المقاسات المطلوبه لتنفيذ الموديل
اول مقاس بنحتاجه هو مقاس محيط دوران اكبر حجم زائد 10 سم
المقاس رقم 2 بيكون مقاس طول حرده الكم
وفي السطور القادمه سوف نشرح كيفيه اخذ المقاسات وتطبيقها على القطعه بتاعتنا
بدايه العمل
تحديد السن المطلوب والانتقال لجدول المقاسات تحديد مقاس محيط دوران اكبر حجم
ثم اضافه 10 سم بعد ذلك الناتج الموجود معانا بنقسمه على اثنين
النص ليه الظهر والنص للامام
الامام عندي مقسوم على اثنين فهيكون جزء للقطعه اليمين وجزء للقطعه الشمال
الموديل بتاعنا بيتكون من ثلاث اجزاء جزء للظهر وجزئين للامام
هنبدا بجزئيه الظهر
بعد تحديد مقاس محيط دوران اكبر حجم وبناخذ نصه وده اللي بنخصصه لسلسله البدايه لجزئيه الظهر
بشتغل القطعه بتاعتي لسن من سنه لسنتين مقاس محيط دوران اكبر حجم 54 سم
ضفت عليه كمان 10 سنتي اصبحت الناتج عندي 64
قسمته على اثنين طلع الناتج 32 سم وده بيكون طول سلسله البدايه لمنطقه الظهر
هنراعي في سلسله البدايه انها تكون من مضاعفات العدد 8
اشتغلت سلسله البدايه بمقاس 32 سم مع مراعاه ان تكون من مضاعفات العدد 8 طلعت معايا 64 غرزه
السطر التمهيدي
بتخطى اول اربع غرز من ناحيه الابره وبروح على الغرزه رقم خمسه واشتغل فيها عمود بلفه
الغرزه اللي بعدها عمود بلفه
الغرزه اللي بعدها عمود بلفه وبكمل على نفس النمط لنهايه السطر
على كل غرزه تقابلني غرزه عمود بلفه
السطر الاول
من سطور الغرزه بتاعتنا برتفع ثلاث سلاسل وبعتبرهم باول عمود اتخطى غرزه وانتقل على الغرزه اللي بعدها واشتغل حرف v من عمود سلسله عمود
ثم اتخطى ثلاث غرز واروح للغرزه الرابعه واشتغل صدفه مكونه من اربعه عمود ثلاث سلاسل عمود في نفس الغرزه ثم اتخطى ثلاث غرز وانتقل على الغرزه الرابعه واشتغل حرف في من عمود سلسله عمود
ثم اتخطى ثلاث غرز وانتقل على الغرزه الرابعه واشتغل صدفه من اربعه عمود ثلاث سلاسل عمود
واكمل على نفس النمط وبينتهي السطر بتاعي بغرزه عمود في اخر غرزه
بدايه السطر رقم 2
برتفع ثلاث سلاسل وبعتبرهم بعمود
وبنتقل لاول حرف في قابلني واشتغل تحت السلسله في قلب حرف الفي حرف في جديد من عمود سلسله عمود
ثم انتقل للصدفه واشتغل في الفراغ تحت الثلاث سلاسل صدفه جديده من اربعه عمود ثلاث سلاسل عمود
انتقل لحرف الفي واشتغل حرف في من عمود سلسله عمود
ثم انتقل للصدفه واشتغل صدفه جديده من اربعه عمود ثلاث سلاسل عمود
واكمل على نفس النمط لنهايه السطر
وبينتهي السطر بتاعي بغرزه عمود في ثالث سلسله ارتفاع
وبنستمر في تكرار السطر رقم 2 لحين وصول القطعه للطول المطلوب
الطول المطلوب هو طول الموديل الكلي على حسب السن والمقاس وعلى حسب اختيارك ناقص طول حرده الابط
بعد الوصول للطول المطلوب بنبدا في تشكيل حرده الابط وده موجود بالتفصيل في الفيديو التعليمي
.jpeg "بلوزة كارديجان بوليرو كروشيه للاطفال والكبار")
بعد الانتهاء من قطعه الضهر بنشتغل سطر اخير من غرز الحشو
بدايه السطر بارتفاع سلسله وبتكون مجرد ارتفاع وبروح لاول غرزه عندي وبشتغل غرزه حشو
ثم انتقل لحرف الفي اشتغل في اول ضلع غرزه حشو
اتخطى فراغ حرف الفى وانتقل لضلع الثاني واشتغل حشو
ثم انتقل للصدفه اشتغل في اول عمود غرزه حشو
في فراغ الصدفه غرزه حشو
على الاربعه عمود اربعه حشو
واكمل على نفس النمط لنهايه السطر وبكده بتكون انتهت قطعه الظهر
بدايه القطعه رقم 2 نصف الامام اليمين
.jpeg "بلوزة كارديجان بوليرو كروشيه للاطفال والكبار")
بدانا جزئيه الظهر بسلسله بطول 32 سم نصف الامام بيكون 16 سم
والنصف الثاني بيكون 16 سم
اشتغلت سلسله البدايه بطول 16 سم مع مراعاه ان تكون من مضاعفات العدد 8
طلعت معايا 32 غرزه بنطبق على القطعه نفس خطوات الغرزه اللي اشتغلناها في منطقه الظهر
لحين وصول القطعه للطول المطلوب على حسب السن والمقاس وعلى حسب اختيارك
بنبدا بعد ذلك في تشكيل حرده الكم وتشكيل فتحه الرقبه وده مشروح بالتفصيل في الفيديو التعليمى
بعد ذلك بنبدا بنفس الطريقه في الجزء الشمال من الامام في الصوره التاليه رسم توضيحي لاجزاء القطعه
ملحوظه اختلاف المقاس سوف تحتاجي الى مقاسات مختلفه عن مقاسات القطعه وده اللي بنلاقيه في جداول المقاسات لينك صفحه جدول المقاسات
بعد الانتهاء من قطع البلوزه وهم قطعه الظهر وقطعتين للامام
بنبدا في تجميع القطعه من الممكن تجميع القطع بغرزه حشو او غرزه منزلقه او غرز عاديه بابره التنظيف
بدات في تجميع القطع من ناحيه الكتف ثم بعد ذلك التجميع من الجنب
بعد تجميع القطعه بنشتغل سطر تشطيب وده بيبدا من فتحه البلوزه جهه الشمال من تحت
وده بيكون على نهايات السطور وبيستمر للوصول لفتحه الرقبه
ثم على فتحه البلوزه من ناحيه اليمين
ثم على حرف البلوزه من تحت
وده باترون لسطر التشطيب
بعد ذلك بنشتغل كورنيش على فتحه الكم
وبكده بنكون شرحنا خطوات عمل البلوزه بالتفصيل خطوه بخطوه
جميع المقاسات موجوده في صفحه جداول المقاسات
ولمشاهده طريقه العمل بالتفصيل عملي تابعوا الفيديو التعليمي
ملحوظه هذا الموديل مناسب جدا للكبار