جداول المقاسات

طريقة عمل فستان كروشيه صيفى للاطفال بالخطوات

بسم الله الرحمن الرحيم 

ازيكم يا حبايبي عاملين ايه

 موديل النهارده عباره عن بلوزه او فستان صيفي سهل جدا ومناسب للمبتدئين

موديل يصلح للاطفال والكبار 

هنشرح القطعه بتاعتنا بالتفصيل خطوه بخطوه 

وكمان هنشرح طريقه اخذ المقاسات 

وهيكون في فيديو تعليمي لطريقه العمل بالتفصيل

مواصفات الفستان 

تم تنفيذ القطعه لسن من سنه لسنه ونص تلبس لغايه سنتين 

مع امكانيه تغيير المقاس بكل سهوله ليناسب اي سن واي مقاس 

نوع الخيط المستخدم خيط كوتون جولد

 مقاس الابره 3.5

 كميه الخيط المستخدمه 115 جرام تقريبا 

مع مع مراعاه ان تغيير نوع الخيط وتغيير المقاس

 وتغيير مقاس الابره هيخليكي تسحبي كميه خيط مختلف 

المقاسات المطلوبه لتنفيذ الموديل 

اول مقاس بيكون مقاس محيط دوران الراس

المقاس رقم 2 الطول الكلي للموديل 

بدايه تنفيذ الموديل

 اول مقاس بنحتاجه هو مقاس محيط دوران الراس وده بنلاقيه في جداول الايس كاب

 بتحددي السن  وبتروحي على جدول مقاسات الايس كاب

 بتطلعي مقاس محيط دوران الراس وبنقسمه على اثنين

 الناتج اللي يطلع معانا بنشتغل سلسله البدايه بالطول المطلوب 

اللي هو مقاس محيط دوران الراس على 2

 او نص مقاس محيط دوران الراس 

بنراعي في سلسله البدايه ان هي تكون عدد فردي 

بشتغل القطعه بتاعتي لسن من سنه ونص لسنتين مقاس محيط دوران الراس 48 سم 

انا هشتغل على 50 سم علشان حابه القطعه تكون مرتاحه

 قسمت الرقم على اثنين طلع الناتج عندي 25 سم

 اشتغلت سلسله البدايه بطول 25 سم مع مراعاه ان تكون عدد فردي

 طلعت معايا 57 غرزه

بداية تنفيذ الفستان

 السطر الاول 

برتفع سلسلتين وبعتبرهم باول غرزه نص عمود

 وبعد من على الابره ثلاث غرز واروح للغرزه الرابعه واشتغل فيها غرزه نص عمود 

الغرزه اللي بعدها نص عمود

 الغرزه اللي بعدها نص عمود

 وبكمل على نفس النمط على كل غرزه تقابلني غرزه نص عمود لنهايه السطر

 السطر الثانى

 برتفع سلسلتين وبعتبرهم بغرزه نص عمود 

وبعمل كمان سلسله اتخطى غرزه وانتقل للغرزه اللي بعدها واشتغل نص عمود 

ثم سلسله اتخطى غرزه وانتقل على الغرزه اللي بعدها واشتغل نص عمود

 ثم سلسله اتخط غرزه وانتقل على الغرزه اللي بعدها واشتغل نص عمود 

واكمل على نفس النمط لنهايه السطر 

وبينتهي السطر بتاعي بغرزه نص عمود في اخر غرزه 

السطر الثالث 

 برتفع سلسلتين وبعتبرهم بغرزه نص عمود

 وبنتقل لاول فراغ يقابلني واشتغل فيه غرزه نص عمود 

ثم انتقل لغرزه النص عمود واشتغل عليها نص عمود

 الفراغ رقم اثنين بشتغل فيه تزايد اثنين نص عمود 

ثم فوق النص عمود نص عمود

 في الفراغ نص عمود 

فوق النص عمود نص عمود 

في الفراغ تزايد اثنين نص عمود 

وبكمل على نفس النمط لنهايه السطر بمعنى ان فراغ بيكون فيه تزايد وفراغ بيكون من غير تزايد 

السطر الرابع

 برتفع سلسلتين وبعتبرهم نص عمود

 ثم سلسله اتخطى بها غرزه وانتقل على الغرزه اللي بعدها واشتغل نص عمود

 ثم سلسله اتخطى غرزه وانتقل على الغرزه اللي بعدها واشتغل نص عمود

 واكمل على نفس النمط لنهايه السطر وبينتهي السطر بتاعي بغرزه نص عمود في اخر غرزه في السطر

 السطر الخامس

برتفع سلسلتين وبعتبرهم باول غرزه نص عمود

انتقل لاول فراغ يقابلني واشتغل فيه غرزه نص عمود

 فوق النص عمود غرزه نص عمود

 في الفراغ غرزه نص عمود

 فوق النص عمود غرزه نص عمود 

في الفراغ غرزه نص عمود 

وبكمل على نفس النمط لنهايه السطر

دلوقتي هنعمل سلسله واحده للامان وهنقص الخيط وهنبدا فيه تقسيم القطعه بتاعتنا

تقسيمة الصدر

 ناخد بالنا ان الجزئيه دي جزئيه الامام وبنشتغل جزئيه ثانيه للخلف 

دلوقتي بعد ما خلصنا الجزئيه اللي فوق عند الصدر بنبدا في تقسيم القطعه بتاعتنا

 اول خطوه بنعملها بنعد عدد الغرز اللي عندنا وبنبدا نقسم 

عديت الغرز اللي عندي طلعوا معاها 71 غرزه

 بدات التقسيم 17 غرزه للكم اليمين 17 غرزه للكم الشمال 

37 غرزه للصدر 

لازم نراعي نقطه مهمه عدد الغرز المخصصه للصدر تكون من مضاعفات العدد اربعه زائد واحد

 دلوقتي هنبدا في منطقه الصدر اول غرزه من غرز الصدر

السطر الاول

هبدا اوصل الخيط هرتفع سلسلتين وفي نفس الغرزه هشتغل اول غرزة كلاستر

 ثم ثلاث سلاسل اتخطى غرزه وانتقل للغرزه اللي بعدها واعمل غرزه حشو

 ثلاث سلاسل اتخطى غرزه وانتقل على الغرزه اللي بعدها واشتغل غرزه كلاستر

 ثلاث سلاسل اتخطى غرزه وانتقل على الغرزه اللي بعدها واعمل حشو

 واكمل على نفس النمط لنهايه السطر والسطر بينتهي بنهايه الغرز المخصصه لمنطقه الصدر

 اخر غرزه  بتكون غرزه كلاستر

 وبكده بينتهي السطر الاول من النمط بتاعنا 

السطر رقم 2 

برتفع سلسله وبتكون مجرد ارتفاع وبشتغل في اول غرزه عندي غرزه حشو

 ثم ثلاث سلاسل وانتقل لغرزه الحشو واشتغل حشو 

ثلاث سلاسل انتقل لغرزه الكلاستر واشتغل حشو

 ثم ثلاث سلاسل انتقل لغرزه الحشو واشتغل حشو

 واكمل على نفس النمط لنهايه السطر 

 بينتهي السطر بغرزه حشو

 السطر رقم 3 

برتفع سلسله وبتكون مجرد ارتفاع وبشتغل في اول غرزه غرزه حشو

 ثم ثلاث سلاسل انتقل لغرزه الحشو واشتغل غرزه كلاستر

 ثلاث سلاسل انتقل لغرزه الحشو واشتغل حشو 

ثلاث سلاسل انتقل لغرزه الحشو واشتغل غرزه كلاستر 

واكمل على نفس النمط لنهايه السطر وبينتهي السطر بغرزه حشو 

السطر رقم 4

بدايه السطر برتفع سلسله وبتكون مجرد ارتفاع وبشتغل في اول غرزه عندي غرزه حشو

 ثم ثلاث سلاسل وانتقل لغرزه الكلاستر واشتغل حشو

 ثلاث سلاسل انتقل لغرزه الحشو واشتغل حشو 

ثلاث سلاسل انتقل لغرزه الكلاستر واشتغل حشو

 واكمل على نفس النمط لنهايه السطر

 وبينتهي السطر بغرزه حشو

 وهو دة النمط بتعنا اربع سطور اللي هيفضلوا يكرروا معانا

 بنكرر دلوقتي السطر رقم واحد والسطر رقم 2 ثم ننهي القطعه الاولى 

وبنفس الخطوات بنشتغل القطعه الثانيه 

بعد ذلك بنبدا في تجميع القطعتين الامام والخلف معا طريقه تجميع القطعتين في الفيديو التعليمي

 بعد تجميع قطعه الامام وقطعه الخلف بنبدا في تكرار الاربع سطور لحين وصول القطعه للطول المطلوب

 ناقص 6 سم وهنا يبدا الكورنيش

 كورنيش الفستان

 بدايه السطر 

برتفع سلسلتين وبعتبرهم غرزه نص عمود

 وبنتقل لاول فراغ يقابلني مكون من ثلاث سلاسل بشتغل فيه ثلاثه نص عمود

 ثم فوق غرزه الحشو بشتغل نص عمود 

في الفراغ المكون من ثلاث سلاسل بشتغل ثلاثه نص عمود

 فوق غرزه الحشو بشتغل نص عمود 

وبكمل على نفس النمط لنهايه السطر 

وبينتهي السطر بتاعي بغرزه منزلقه في ثاني سلسله ارتفاع

 بدايه السطر رقم 2 من سطور الكورنيش

 برتفع سلسلتين وبعتبرهم غرزه نص عمود 

ثم سلسله اتخطى غرزه وانتقل على الغرزه اللي بعدها واشتغل نص عمود

 ثم سلسله انخطى غرزه وانتقل على الغرزه اللي بعدها واشتغل نص عمود

 واكمل على نفس النمط لنهايه السطر

 وبينتهي السطر بتاعي بغرزه منزلقه في ثاني سلسله ارتفاع

 بدايه السطر الثالث من السطور الكورنيش

 برتفع سلسلتين وبعتبرهم بغرزه نص عمود بروح على اول فراغ يقابلني واشتغل فيه نص عمود 

فوق النص عمود نص عمود 

في الفراغ نص عمود 

فوق النص عمود نص عمود

 وبكمل على نفس النمط لنهايه السطر

 وبينتهي السطر بتاعي بغرزه منزلقه في ثاني سلسله ارتفاع 

دلوقتي هنبدا في تكرار اربع سطور النمط بتوعنا اللي شرحناهم مع بعض قبل كده

 وتقدري تكرريهم اي عدد من المرات لحين وصول الكورنيش للطول المطلوب

 بعد ذلك بنقفل الحمالات طريقه قفل الحمالات مشروحه بالتفصيل في الفيديو التعليمي 

لو انت بتشتغلي من جدول المقاسات ده لينك صفحه الجداول

 صفحه جداول للمقاسات

 لمشاهده طريقه العمل بالتفصيل عملي خطوه بخطوه تابعوا الفيديو التعليمى

 لا تترددوا في ترك اي سؤال او استفسار