جداول المقاسات

بسم الله الرحمن الرحيم
ازيكم يا حبايبي عاملين ايه
كوفيه كروشيه احدث موديلات 2023
موديل اليوم عباره عن كوفيه كروشيه لفصل الشتاء مناسبه للرجال والسيدات
مناسبه ايضا للاطفال والكبار يعني تقدري تنفذي الكوفيه لاي سن وباي مقاس انت عيزاه
ممكن نشتغل بخيط ساده او خيط جنجا

طريقة عمل كوفيه كروشيه سهله بالخطوات

مواصفات الموديل
تم تنفيذ الكوفيه لمقاس الكبار عرض الكوفيه 16 سم طول الكوفيه 180
كميه الخيط المستخدمه 200 جرام تقريبا
نوع الخيط خيط صوف تركي متوسط السمك خيوط ستوك فاشون
ممكن استبدال نوعيه الخيط باي نوع مفضل لديكم وابره مناسبه لنوعيه الخيط
مقاس الابره اربعه ونصف غرزه الكوفيه تصلح لمشاريع كثير من الكروشيه
مثل (بطانيه اطفال -مفرش سرير -شال -بندانه)

كوفيه كروشيه بالخطوات

بتعتمد غرزه الكوفيه على مضاعفات العدد سته زائد واحد
طبعا على حسب المشروع اللي هتنفذيه بتشتغلي بعرض المشروع 

يعني لو هتشتغلي كوفيه بتشتغلي بعرض الكوفيه بتعملي سلسله من مضاعفات العدد سته وفي النهايه بنزود غرزه واحده 

وبنبدا بعرض الكوفيه وبنفضل نرتفع في السطور لغايه ما يوصل للطول المطلوب 

لو هتعملي شال بتشتغلي سلسله بعرض الشال اللي انت عيزاه وتكون من مضاعفات العدد سته 

وفي النهايه بنزود غرزه واحده وبنفضل نرتفع لغايه ما يوصل الشال للطول المطلوب 

والخطوات دي بنطبقها على اي مشروع احنا حابين نعمله

بدايه العمل
بدات الكوفيه ب 30 غرزه و30 من مضاعفات العدد سته وفي النهايه زودت غرزه واحده بقى عندي عدد الغرز 31 وده اداني عرض الكوفيه 16 سم

مقاسات الكوفيه لجميع الاعمار

• من سن سنتين لاربع سنين طول الكوفيه متر لمتر و20 سم والعرض 10 سم
• من خمس سنين ل 12 سنه طول الكوفيه متر ونصف والعرض 15 سم
• مقاس الكوفيه للكبار من متر ونصف لاثنين متر على حسب اختيارك والعرض من 15 ل 20 سم

تقدري تبداي باي عدد من مضاعفات العدد سته على حسب المشروع وفي الاخر بتزودي غرزه واحده
لمشاهده طريقه العمل بالتفصيل تابعوا الفيديو التعليمي

لاتترددوا فى ترك اى سؤال او استفسار وسوف اجيب علية فى اسرع وقت
يوجد ايضا على المدونة العديد من موديلات الكروشيه مع باترون للغرز
وفيديو تعليمى لكل موديل ولمزيد من الموديلات والفيديوهات التعليمية
تابعوا القناة على اليوتيوب ولتنفيذ اى موديل من اختياركم
تواصلوا معى على جروب الفيس بوك اسم الجروب جنة الكروشيه