شال بونشو كروشيه مناسب للاطفال والكبار

بسم الله الرحمن الرحيم
ازيكم يا حبايبي عاملين ايه
شال بونشو كروشيه مناسب للاطفال والكبار
موديل النهارده عباره عن شال او بونشو مميز ومناسب جدا لفصل الشتاء
الشرح مبسط سهل للمبتدئين
هنشرح مع بعض الموديل بالتفصيل مع باترون للغرزه المستخدمه

وجدول المقاسات لسهوله العمل
وفيديو تعليمي لخطوات الموديل بالتفصيل

شال كروشيه بالخطوات

مواصفات الموديل
تم تنفيذ الشال لمقاس لارج مع امكانيه تعديل المقاس ليناسب اي سن واى مقاس
نوع الخيط المستخدم خيط برنسيس السوفتي
مقاس الابره اربعه كميه الخيط المستخدمه 450 جرام تقريبا
مع امكانيه تغيير نوعيه الخيط لاي نوع المفضل لديكم وابره مناسبه لنوعيه الخيط

المطلوب لتنفيذ الموديل
مقاس محيط دوران الراس وده بيكون موجود في جداول الايس كاب بعد ذلك
مقاسات القطعه متروكه لاختيارك

بونشو كروشيه سهل للمبتدئين

بدء العمل
بنشتغل سلسله بمقاس محيط دوران الراس على حسب السن والمقاس المطلوب
بنطرح من مقاس محيط دوران الراس 5 سم
ونشتغل سلسلة بالطول المطلوب
نراعي في سلسله البدايه ان تكون من مضاعفات العدد ثمانيه
بشتغل القطعه بتاعتي لمقاس لارج مقاس محيط دوران الراس المناسب 55 سم تقريبا

طرحت 5 سم واشتغلت سلسله بطول 50 سم
راعيت فيها ان تكون من مضاعفات العدد ثمانيه طلعت معي 88 سلسله او 88 غرزه

السطر الاول
بنرتفع ثلاث سلاسل وبيحسبوا معنا باول عمود في نفس الغرزه بنشتغل كمان عمود ثم سلسله والغرزه رقم اثنين اثنين عامود
نتخطى غرزتين الغرزه الثالثه اثنين عمود سلسله الغرزه التاليه اثنين عمود
نتخطى غرزتين الغرزه الثالثه اثنين عمود سلسله الغرزه اللي بعدها اثنين عمود ونكرر على نفس النمط لنهايه السطر وبينتهي السطر الاول بغرزه منزلقه في ثالث سلسله ارتفاع
بعد ذلك نبدا في عد الصدفات كل صدفه مكونه من اثنين عمود سلسله اثنين عمود طلع عندي عدد الصدفات 22 صدفه
خصصت صدفتين للزوايا وقسمت عشر صدفات للناحيه اليمين وعشر صدفات للناحيه الشمال

شال \ بونشو كروشيه مناسب لاى مقاس

السطر رقم اثنين
بعد تحديد اماكن الزوايا نبدا في الغرزه المقرره بدايه الغرزه ننتقل للعمود رقم اثنين بمنزلقه اماميه نرتفع ثلاث سلاسل ويحسبه باول عمود امامي تحت السلسله عمود السلسله عمود العمود اللي بعد السلسله على طول بنشتغل فيه عمود امامي العمود الاخير في الصدفه بنتخطاة

وبننتقل للصدفه رقم اثنين اول عمود منالصدفه نتخطاه ونروح للعمود رقم اثنين

ونشتغل فيه عمود امامي في الفراغ بتاع السلسله بنشتغل عمود سلسله عمود العمود اللي بعد الفراغ على طول عمود امامي العمود الاخير بنسيبه مش بنشتغل فيه بنتخطاه

ونكرر على نفس النمط لحين الوصول لمنطقه الزاويه شرح طريقه الزاويه بالتفصيل في الفيديو التعليمي

وده باترون للزاويه

ونكرر السطر مع اختلاف منطقه الزاويه لحين الوصول للمقاس المطلوب بعد ذلك نبدا في تشطيب فتحه الرقبه طريقه التشطيب في الفيديو التعليمي