جداول المقاسات

بسم الله الرحمن الرحيم
ازيكم يا حبايبي عاملين ايه
بلوزة كروشيه صيفى بالخطوات
موديل النهارده عباره عن بلوزه بناتي صيفي كروشيه سهله جدا 

ومناسبه للاطفال والكبار تقدري تشتغليها بخيط ساده او خيط جنجا
الغرزه بسيطه بتتكون من سطرين وبنكررها
طبعا مع التزايد وطريقه التزايد بالتفصيل في الفيديو التعليمي
كمان هيكون في باترون للغرزه

 وجدول المقاسات علشان يكون سهل عليك تنفيذ الموديل لاي سن وباي مقاس

طريقة عمل بلوزة كروشيه سهله

مواصفات الموديل
تم تنفيذ البلوزه لسن من سنه لسنه ونصف مع امكانيه تعديل المقاس ليناسب اي سن واي مقاس
نوع الخيط المستخدم خيط قطن فاشون
كميه الخيط 150 جرام تقريبا
مقاس الابره ثلاثه ونصف

المطلوب لتنفيذ الموديل
البلوزه بتاعتنا بلوزه مقفوله يعني ما فيش زراير فبنشتغل على دوران الراس
اول مقاس بنحتاجه هو مقاس محيط دوران الراس على حسب السن وده بيكون موجود في جداول الايس كاب
ثاني مقاس هو مقاس محيط دوران الصدر
المقاس رقم ثلاثه بيكون محيط دوران الذراع
المقاس الرابع والاخير بيكون الطول الكلي للبلوزه وده متروك لك

موديلات كروشيه صيفى

بدايه العمل
بنشتغل سلسله بمقاس محيط دوران الراس ناقص 5 سم 

بنروح على جدول المقاسات جدول مقاسات الايس كاب .وبنطلع منه مقاس محيط دوران الراس 

وبنطرح منه 5 سم وبنشتغل سلسله بالطول المطلوب . بنراعى في السلسله ان تكون من مضاعفات العدد اربعه
باشتغل القطعه بتاعتي لسن من سنه لسنه ونصف
مقاس محيط دوران الراس 45 سم
طرحت منه 5 سم واشتغلت سلسله بطول 40 سم
راعيت فيها تكون من مضاعفات العدد اربعه طلعت معي 84 غرزه
بنعدل السلسله ونتاكد ان هي معدوله وبنقفل السلسله بتاعتنا في اول غرزه بغرزه منزلقه
بعد ذلك نبدأ في تطبيق غرزه البلوزه وده باترون للغرزه لسهوله العمل طبعا مع التزايد وطريقه التزايد بالتفصيل موجوده في الفيديو التعليمي

لتطبيق الموديل لاي سن ولاي مقاس يرجى الرجوع لجداول المقاسات ودي صفحه جداول المقاسات

لينك جداول المقاسات
لمتابعه طريقه العمل بالتفصيل تابعوا الفيديو التعليمي