بسم الله الرحمن الرحيم
ازيكم يا حبايبي عاملين ايه
موديل النهارده عباره عن جاكيت كروشيه شتوي مناسب للاطفال وللكبار
غرزه جميله وسهله تكرار سطرين مناسبه جدا للمبتدئين
تقدري تنفذيها لاي سن وباي مقاس انت عايزاه من خلال جدول المقاسات
هاسيب لكم جدول المقاسات لسهوله العمل
باترون للغرزه المستخدمه
فيديو تعليمي لطريقه الشغل بالتفصيل
جاكيت كروشيه بناتى
مواصفات الموديل
تم تنفيذ الجاكيت لسن سنه مع امكانيه تعديل المقاس ليناسب اي سن واي مقاس نوع الخيط المستخدم ستوك اليزا بيبي بست
مقاس الابره اربعه
كميه الخيط 250 جرام تقريبا من الممكن استخدام اي نوعيه خيط مفضل لديكم وابره مناسبه لنوعيه الخيط
المطلوب لتنفيذ الموديل
- المقاس الاول هو مقاس محيط دوران الرقبه وده موجود في جدول المقاسات
- المقاس رقم اثنين مقاس محيط دوران الذراع
- المقاس رقم ثلاثه محيط دوران الصدر
- المقاس رقم اربعه طول الكم الطويل
- المقاس رقم خمسه الطول الكلي الجاكيت وده متروك لك
طريقة عمل جاكيت كروشيه بالخطوات
بدايه العمل
نبدا بعمل سلسله من مضاعفات العدد ثلاثه وتكون بمقاس محيط دوران الرقبه زائد خمسه سم وفي نهايه السلسله نطرح غرزه واحده
باشتغل القطعه بتاعتي لسن سنه مقاس محيط دوران الرقبه 25 سم ضفت عليه كمان 5 سم واشتغلت سلسله بطول 30 سم راعيت فيها تكون من مضاعفات العدد ثلاثه طلعت معي 60 غرزه طرحت غرزه واحده او نقصت غرزه واحده اصبح عدد السلاسل 59 سلسله
غرزة كروشيه لجاكيت بناتى
بدايه سطر التأسيس
نرتفع سلسلتين ويحسبوا معنا باول عمود نتخطى الغرزه رقم اثنين وفي الغرزه رقم ثلاثه بنشتغل حرف في من عمود سلسله عمود نتخطى غرزتين والغرزه رقم ثلاثه نشتغل حرف في من عمود سلسله عمود ونقرر على نفس النمط لنهايه السطر بعد اخر حرف في هيكون فيه سلسلتين بنتخطى سلسله وبنروح لاخر سلسله في السطر ونشتغل فيها عمود وبكده بينتهي سطر التاسيس
ورشة جاكيت كروشيه للشتاء شيك جدا
لعمل تقسيمه الصدر بنعد عندنا كم حرف في نطرح من عدد حروف الفي اربعه ونخصصهم للزاويه والباقي نقسمه على الصدر طريقه التقسيم بالتفصيل موجوده في الفيديو التعليم
بعد عمل تقسيمه الصدر ووضع العلامات في اماكن الزوايا نبدا في تنفيذ غرزه الجاكيت وهي غرزه بسيطه عباره عن سطرين وبنكررها
.jpeg "جاكيت كروشيه بناتى")
بدايه السطر الاول
بننتقل مباشره لاول غرزه في السطر ونشتغل غرزه حشو ننتقل لاول حرف في تحت السلسله نشتغل( حشو ثلاث سلاسل حشو ) ننتقل لحرف الفي التالي ونشتغل تحت السلسله (حشو ثلاث سلاسل حشو) لحين الوصول لحرف الفي المخصص للزاويه بنشتغل في حرف الفي المخصص للزاويه حشو ثلاث سلاسل حشو بمعنى انه لا يوجد اختلاف في مكان الزاويه في هذا السطر في نهايه السطر بنشتغل غرزه حشو في سلاسل ارتفاع السطر اللي فات
السطر رقم اثنين
بدايه السطر بنرتفع سلسلتين ويحسبه بعمود نتجاهل سلاسل السطر اللي فات وننتقل لحروف ال فى نشتغل في اول حرف فى حرف فى جديد من عمود سلسله عمود
ثم ننتقل لحرف الفي التالي ونشتغل فيه حرف في من عمود سلسله عمود ونستمر لحين الوصول لحرف الفى المخصص للزاويه بنشتغل في حرف الفي المخصص للزاويه
( عمود سلسله عمود سلسله عمود سلسله عمود )
وهي دي الزاويه لو نظرنا للزاويه سنجد انه تكون عندنا ثلاث فراغات نضع العلامه في الفراغ رقم اثنين لانه مكان الزاويه في السطور القادمه
ن
ونعود للنمط بتاعنا ننتقل لاول حرف في ونشتغل فيه حرف في جديد من عمود سلسله عمود
ثم ننتقل لحرف الفي التالي ونشتغل حرف في من عمود سلسله عمود
ونكرر لنهايه السطر ننهي السطر في اخر غرزه حشو بعمود
نستمر في تكرار السطرين لحين وصول الصدر للمقاس المطلوب
وده باترون للغرزه المستخدمه لسهوله العمل
جاكيت كروشيه بناتى
للتاكد من وصول الصدر للمقاس المطلوب
هنحتاج مقاسين اول مقاس هو مقاس محيط دوران الذراع نقيس جزئية الكم ونتاكد انها وصلت لمقاس محيط دوران الذراع
ثاني مقاس هو مقاس محيط دوران الصدر بنطلعه من الجدول وبنقسموا على اثنين ونذهب لجزئية الظهر ونتاكد انها وصلت للمقاس المطلوب بعد التاكد من وصول القطعه للمقاس المطلوب
نبدا في تقفيل منطقه الكم طريقه التقفيل بالتفصيل مشروحه في الفيديو التعليمى
وده باترون للغرزه المستخدمه لسهوله العمل
لتنفيذ الموديل لاي مقاس يرجى الرجوع لجداول المقاسات
لينك جدول المقاسات