سم الله الرحمن الرحيم
ازيكم يا حبايبي عاملين ايه
بندانة كروشيه للاطفال والكبار
الموديل بتاعنا النهارده موديل بسيط عباره عن بندانه او ربطه شعر سهله وبسيطه
مناسبه للاطفال ومناسبه كمان للكبار
ممكن تشتغليها بخيط قطن او بخيط صوف زي ما تحبي
رابطة شعر كروشيه
وكمان باترون للغرزه
وفيديو تعليمي لطريقه العمل بالتفصيل
طريقة عمل بندانة كروشيه بالخطوات
مواصفات الموديلتم تنفيذ القطعه لسن من 10 ل 12 سنه
كميه الخيط المستخدمه 35 ل 40 جرام تقريبا
نوع الخيط المستخدم هيمالايا افري داي
مقاس الابره ثلاثه ونصف
بندانة كروشيه للاطفال والكبار
المقاس الوحيد اللي بنحتاجه هو مقاس محيط دوران الراس وده بنلاقيه في جداول الايس كاب
بدايه العمل
بنشتغل 18 سلسله
السطر الاول بنشتغل على كل سلسله غرزه حشو
السطر رقم اثنين بنشتغل على كل غرزه تقابلنا غرزه حشو
السطر رقم ثلاثه تكرار للسطر رقم اثنين وبكده نكون اشتغلنا ثلاث سطور من غرز الحشو
السطر الرقم اربعه بنرتفع سلسله وبتكون مجرد ارتفاع وبنشتغل اربع غرز حشو في الحلقه الخلفيه على اول اربع غرز بعد ذلك بنشتغل 12 سلسله في نهايه السطر بنشتغل على اخر اربع غرز اربع غرز حشو في الحلقه الخلفيه والسطر ده بيكون السطر الاول من السطور الغرزه بتاعت
السطر رقم خمسه بنرتفع سلسله وبتكون مجرد ارتفاع وبنشتغل على اول اربع غرز في السطر اربع غرز حشو في الحلقه الخلفيه بيتقابلنا السلاسل وهم 12 سلسله بنشتغل عليهم 12 غرزه حشو في نهايه السطر بنشتغل على اخر اربع غرز اربع غرز حشو في الحلقه الخلفيه
وهنفضل نكرر السطر رقم اربعه والسطر رقم خمسه لحين الوصول للمقاس المطلوب وهو مقاس محيط دوران الراس ناقص خمسه سنتي طبعا على حسب السن
انا باشتغل القطعه بتاعتي لسن من 10 ل 12 سنه مقاس محيط دوران الراس 52 سم طرحت منه 5 سم واشتغلت القطعه بتاعتي بطول 47 سم
بعد ذلك نشتغل قطعه للنهايه وبنشتغل فيها عراوي للزراير ودي مشروحه بالتفصيل في الفيديو التعليمى
ده باترون للغرزه لسهوله العمل
لكي تتمكني من تنفيذ القطعه لاي مقاس يرجى رجوع الى جدول المقاسات
اللينك جدول المقاسات
لمشاهدت طريقة العمل بالتفصيل تابعوا الفيديو التعليمى