طريقة عمل جيبة كروشيه تنوره للاطفال والكبار
بسم الله الرحمن الرحيم
ازيكم يا حبايبي عاملين ايه
موديل النهارده عباره عن جيبه كروشيه مناسبه للاطفال ومناسبه كمان للكبار
سهله جدا خطواتها بسيطه هنشتغلها مع بعض بالتفصيل خطوه بخطوه
حتى لو كنت لسه مبتدئه في الكروشيه هيكون سهل عليك جدا تنفذيها
ممكن تتنفذ بخيط صوف وتكون مناسبه لفصل الشتاء او تتنفذ بخيط قطن وتكون مناسبه لفصل الربيع والصيف
مواصفات وخامات الجيبه
تم تنفيذ الجيبه لسن من سنه لسنتين مع امكانيه تعديل المقاس ليناسب اي سن واي مقاس
نوع الخيط المستخدم خيط مدام تريكو ستار
مواصفات الخيط خيط صوف تركي متوسط السمك 100 جرام 300 متر
مقاس الابره اربعه كميه الخيط المطلوبه لعمل الجيبه لسن من سنه لسنتين 140 جرام تقريبا
من الممكن تغيير نوعيه الخيط لاي نوع مفضل لديكم ممكن خيط صوف او خيط قطن
وابره مناسبه لنوعيه الخيط
ما هي المقاسات المطلوبه للجيبه؟
اول مقاس بنحتاجه هو مقاس محيط دوران الوسط وده طبعا بيكون على حسب السن
المقاس رقم 2 الطول الكلي للجيبه وده متروك لك
طريقه تنفيذ الجيبه
بدايه العمل بنشتغل سلسله بمقاس محيط دوران الوسط
بتحددي السن اللي انت بتشتغلي له القطعه بتاعتك وبتروحي على جدول المقاسات
وبتطلعي مقاس محيط دوران الوسط وبتشتغلي سلسله بالطول المطلوب
بشتغل القطعه بتاعتي لسن من سنه لسنتين
مقاس محيط دوران الوسط من 52 سم ليه 54 سم
اشتغلت سلسله البدايه بمقاس 52 سم لمراعات ان قطعه الكروشيه ممكن توسع بعد الاستعمال
عدد سلاسل البدايه 93 سلسله
ماهى طريقة عمل كمر الجيبه؟
السطر الاول
برتفع سلسلتين وبيحسبوا باول عمود وبشتغل على كل غرزه تقابلني غرزه عمود
حتى الوصول لاخر اربع غرز في السطر بنشتغل على اخر اربع غرز اربع غرز نص عمود
وبكده بينتهي السطر الاول
السطر الثاني
برتفع سلسله واحده وبتكون مجرد ارتفاع وبشتغل على اول اربع غرز اربع غرز نص عمود
أول عمود بعد الاربع غرز بشتغل عليه عمود خلفي
الغرزه اللي بعده عمود امامي
الغرزه اللي بعده عمود خلفي
الغرزه اللي بعده عمود امامي
وبكمل على نفس النمط (عمود امامي وعمود خلفي) لنهايه السطر
السطر الثالث
بارتفاع سلسلتين وبيحسبوا باول عمود
العمود رقم 2 بشتغل عليه عمود خلفي
العمود رقم ثلاثه عمود امامي
العمود رقم اربعه عمود خلفي
وبكمل على نفس النمط فوق العمود الامامي بشتغل عمود امامي
وفوق العمود الخلفي بشتغل عمود خلفي
لحين الوصول لغرز النص عمود بشتغل اربع غرز نص عمود في نهايه السطر
السطر الرابع
برتفع سلسله واحده وبتكون مجرد ارتفاع وبشتغل على اول اربع غرز اربع غرز نص عمود
بعد ذلك بشتغل فوق العمود الامامي عمود امامي
وفوق العمود الخلفي عمود خلفي لنهايه السطر
بنهي السطر بتاعي بنتقل للطرف الثاني من الكمر وبتخطى اول اربع غرز وبنتقل للغرزه رقم خمسه بدخل فيها بمنزلقه وبنهي السطر
وبكده بنكون خلصنا سطور الكمر وقفلناه
.jpeg "جيبه كروشيه للاطفال والكبار بالخطوات")
بداية تنفيذ الجيبه
السطر التمهيدي
برتفع سلسله واحده وبتكون مجرد ارتفاع وبشتغل على كل غرزه تقابلني غرزه حشو لنهايه السطر
وفي نهايه السطر بقفل الاربع غرز نص عمود مع الغرز المقابله ليها
دلوقتي هنغير الغرزه وهنشتغل بغرزه مختلفه وهي الغرزه اللي هنكمل بيها بقيه الجيبه
السطر الاول
من سطور الجيبه برتفع سلسلتين وبحسبهم معايا باول عمود ولم يكتمل في نفس الغرزه بشتغل عمود كمان وبقفله مع سلسلتين لارتفاع وبكده بنكون كونا اول غرزه كلاست
ر ثم سلسلتين وفي نفس الغرزه غرزه كلاستر كمان من اثنين عمود وبنقفلهم مع بعض بغرزه واحده
بعد ذلك بتخطى غرزه وبنتقل للغرزه اللي بعدها وبشتغل فيها غرزه كلاستر سلسلتين غرزه كلاستر
ثم اتخط غرزه وانتقل على الغرزه اللي بعدها واشتغل فيها غرزه كلاستر السلسلتين غرزة كلاستر
وبكمل على نفس النمط لنهايه السطر بينتهي السطر بتاعي بغرزه منزلقه في اول غرزه كلاستر
بدايه السطر الثانى
من سطور الجيبه بنتقل لاول فراغ ما بين اول اثنين غرزه كلاستر بغرزه منزلقه
بارتفاع سلسلتين وبيحسبوا معايا بعمود ولم يكتمل بنفس الفراغ بشتغل عمود كمان وبقفله مع غرزتين الارتفاع
كده بنكون كونا اول غرزه كلاستر
ثم سلسلتين وفي نفس الفراغ غرزه كلاستر كمان
بعد ذلك بنتقل لغرزتين الكلاستر بشتغل تحت السلسلتين غرزه كلاستر سلسلتين غرزه كلاستر
ثم انتقل لمجموعه غرز الكلاستر التاليه ادخل في الفراغ ما بين غرزتين الكلاستر واشتغل غرزه كلاستر سلسلتين غرزه كلاستر وبكمل على نفس النمط لنهايه السطر
وبينتهي السطر بتاعي في اول غرزه كلاستر بغرزه منزلقه
وبنفضل نكرر في السطر رقم 2 لحين الوصول للطول المطلوب على حسب السن ناقص 5 سم
بشتغل الجيبه لسن من سنه لسنتين اشتغلت 24 سطر من غرز الكلاستر بنفس النمط اللي شرحناه
وبكده وصلت الجيبه بتاعتي لطول 25 سم
.jpeg "جيبه كروشيه للاطفال والكبار بالخطوات")
طريقة عمل كورنيش الجيبه
دلوقتي هنبدا في تغيير النمط بتاعنا وهندخل لون جديد وهو اللون الاخضر
هوصل الخيط ما بين اول غرزتين كلاستر تحت السلسلتين
بدايه السطر
هرتفع اربع سلاسل وفي نفس الفراغ هشتغل كمان عمود
كده بنكون كوننا اول حرف فى من عمود سلسلتين عمود
بنتقل بعد ذلك لمجموعه غرز الكلاستر التاليه بدخل تحت السلسلتين وبشتغل عمود سلسلتين عمود
ثم انتقل لمجموعه غرز الكلاستر التاليه واشتغل تحت السلسلتين عمود سلسلتين عمود
وبكمل على نفس النمط لنهايه السطر وبينتهي السطر بتاعي بغرزه منزلقه في اول حرف في
السطر الثانى
من سطور الكورنيش بغير اللون وبشتغل بلون مختلف على حسب لون الورده المفضله لديك
بوصل الخيط في اول حرف في تحت السلسلتين
برتفع سلسلتين وبيحسبوا معايا باول عمود
وبشتغل في فراغ حرف الفي كمان اربعه عمود وبكده بيكون مجموع العواميد عندي خمسه عمود
بروح لاول عمود وبدخل فيه وبسحب حلقه اخر عمود كده بكون اول غرزه فشاره
بعد ذلك اشتغل سلسلتين وانتقل لحرف الفي التالي ادخل تحت السلسلتين في فراغ حرف الفي
واشتغل غرزه فيشاره ثم ثلاث سلاسل
انتقل لحرف الفي واشتغل غرزه فشاره ثم سلسلتين
انتقل لحرف الفي واشتغل غرزه فشاره ثم ثلاث سلاسل
وبكمل على نفس النمط لنهايه السطر وبينتهي السطر بتاعي بغرزه منزلقه في اول غرزه فشاره
.jpeg "جيبه كروشيه للاطفال والكبار بالخطوات")
بعد ذلك بنرجع للون الاساسي لون الجيبه وببدا اوصل الخيط في اول غرزه فشاره
برتفع سلسله وبتكون مجرد ارتفاع وبشتغل في اول غرزه فشاره اول غرزه حشو
بعد ذلك بنتقل للفراغ بين غرز الفشاره وبشتغل ست عمود
ثم غرزه حشو في قلب غرزه الفشاره
ثم انتقل للفراغ بين غرز الفشاره واشتغل ست عمود
واستمر على نفس النمط (سته عمود في الفراغ ثم حشو في قلب غرزه الفشاره)
لنهايه السطر وبينتهي السطر بتاعي بغرزه منزلقه في اول غرزه حشو
وبكده بنكون شرحنا الموديل بتاعنا بالتفصيل خطوه بخطوه
الطول النهائي للجيبه هو 30 سم مع امكانيه تغيير الطول للمقاس المناسب بالنسبه لك
للاستعانه بجداول المقاسات يرجى الانتقال لصفحه جدول المقاسات
لمشاهده خطوات العمل عملي تابعوا الفيديو التعليمي