جيب كروشيه للاطفال والكباره
بسم الله الرحمن الرحيم ازيكم يا حبايبي عاملين ايه
موديل النهارده عباره عن جيبه \ تنورة كروشيه مناسبه للاطفال ومناسبه كمان للكبار
وعلشان احنا في فصل الصيف هنشتغلها بخيط قطني
لكن لو هتشتغليها في فصل الشتاء هيكون الافضل الخيط الصوف
غرزتها سهله وبسيطه هنشتغلها مع بعض بالتفصيل خطوه بخطوه
هيكون في جدول مقاسات وكمان فيديو تعليمي لطريقه العمل بالتفصيل
مواصفات الموديل
تم تنفيذ الموديل لسن سنتين مع امكانيه تعديل الموديل ليناسب اي سن واي مقاس بكل سهوله
نوع الخيط المستخدم خيط قطن ايطالي
مقاس الابره 3
كميه الخيط 150 جرام تقريبا
الغرز المستخدمه
- غرزه العمود بلفه
- غرزه الفشاره
- غرزه الحشو
المقاسات المطلوبه
- مقاس محيط اكبر حجم
- الطول الكلي للجيبه
.jpeg "جيب كروشيه للاطفال والكباره")
بدايه العمل
بنشتغل سلسله بمقاس محيط دوران اكبر حجم
بنراعي في السلسله انها تكون من مضاعفات العدد 12
بشتغل القطعه بتاعتي لسن سنتين مقاس محيط دوران اكبر حجم 56 سم تقريبا
اشتغلت سلسله بالطول المطلوب مع مراعاه ان تكون من مضاعفات العدد 12
طلعت معايا 120 غرزه
في البدايه بنعدل السلسله بتاعتنا وبنروح لاول غرزه وبنقفل بمنزلقه
السطر الاول
برتفع ثلاث سلاسل وبعتبرهم بعمود وبعمل كمان سلسله
اتخطى غرزه واروح للغرزة اللي بعدها واشتغل عمود سلسله
اتخطى غرزه واروح للغرزه اللي بعدها واشتغل عمود سلسله
واكمل على نفس النمط لنهايه السطر وبينتهي السطر بتاعي بمنزلقات في ثالث سلسله ارتفاع
السطر الثانى
بدايه السطر برتفع ثلاث سلاسل وبعتبرهم بعمود وبشتغل كمان سلسله
اتخطى اول فراغ يقابلني واروح فوق العمود واشتغل عمود وبعدين سلسله
اتخطى الفراغ واروح فوق العمود واشتغل عمود
واستمر على نفس النمط لغايه ما يتكون عندي خمس فراغات في الفراغ رقم 6 هشتغل غرزه الفشاره
واروح لاول عمود بعد غرزه الفشاره واشتغل عمود
و اكرر النمط بتاعي مره ثانيه لنهايه السطر
وهم دول سطرين الغرزه بتاعتنا طبعا مع التزايد
وطريقه التزايد هنلاقيها موجوده في الفيديو التعليمي بالتفصيل
.jpeg "جيب كروشيه للاطفال والكباره")
كمر الجيبه
السطر الاول
بعد ذلك بننتقل لكمر الجيبه بروح عند مكان قفل سلسله البدايه وببدا اوصل الخيط
برتفع ثلاث سلاسل واعتبرهم بعمود
انتقل لاول فراغ واشتغل عمود
فوق العمود عمود وفي الفراغ عمود
وبكمل على نفس النمط لنهايه السطر
وبينتهي السطر بتاعي بغرزه منزلقه في ثالث سلسله ارتفاع
السطر الثالث
بدايه السطر رقم ثلاثه من سطور الكمر برتفع ثلاث سلاسل وبعتبرهم بعمود
وبنتقل لاول فراغ واشتغل عمود
فوق العمود عمود وفي الفراغ عمود
وبكمل على نفس النمط لنهايه السطر
وهم دول سطور النمط ثلاث سطور بعد ذلك ممكن تركيب حزام في الكمر
ممكن حزام يكون من نفس نوع الخيط او يكون شريط ستان
وده متروك لك