طريقة عمل بلوفر كروشيه لفصل الخريف والشتاء
بسم الله الرحمن الرحيم
ازيكم يا حبايبي عاملين ايه
موديل النهارده هيكون عباره عن بلوفر كروشيه شتوي
مناسب لفصل الخريف والشتاء
صحيح ان الشتاء لسه بس دايما الكروشيه سابق بخطوه
هنشتغل القطعه بتاعتنا خطوه خطوه كمان هيكون في جدول المقاسات
وفيديو تعليمي لطريقه العمل بالتفصيل
مواصفات الموديل
تم تنفيذ الموديل لسن سنه ونص
مع امكانيه تعديل المقاس بكل سهوله ليناسب اي سن واي مقاس
نوع الخيط المستخدم خيط صوف متوسط السمك
مقاس الابره اربعه ونص
كميه الخيط المستخدمه 220 جرام تقريبا
المقاسات المطلوبه
مقاس محيط دوران اكبر حجم
طول حرده الابط
طول الكم
طول الموديل بالكامل
الغرز المستخدمه
غرزه العمود بلفه
غرزه الحشو
غرزه السلسله
بدايه العمل
الموديل بتاعنا بيبدا من تحت وبنرتفع لغايه ما نوصل عند حرده الابط
وبعدين نبدا نعمل تناقص لفتحه الرقبه
ونكمل بقيه الموديل علشان كده اول مقاس بنحتاجه بيكون مقاس محيط دوران اكبر حجم
بتحددي السن وبتروحي على جدول المقاسات وبتطلعي مقاس محيط دوران اكبر حجم
لو حبه القطعه تكون واسعه شويه بتزودي على المقاس 5 سم او 6 سم
علشان القطعه بتاعتك تطلع مرتاحه
بنشتغل سلسله بالطول المطلوب بنراعي في السلسله انها تكون من مضاعفات العدد 6
بشتغل القطعه بتاعتي لسن سنه ونص مقاس محيط دوران اكبر حجم 55 سم تقريبا
راعيت في السلسله بتاعتي انها تكون من مضاعفات العدد سته طلعت معايا 84 غرزة
بدايه العمل بعدل السلسله بتاعتي واتاكد انها معدوله واروح على اول غرزه واعمل غرزه منزلقه واقفل السلسله
السطر الاول
برتفع ثلاث سلاسل وبعتبرهم باول عمود وبشتغل بنفس الغرزه كمان اثنين عمود
اتخطى غرزتين واروح للغرزة الثالثه واشتغل ثلاثه عمود
اتخطى غرزتين واروح للغرزه الثالثه واشتغل ثلاثه عمود
واكمل على نفس النمط لنهايه السطر
وبينتهي السطر بتاعي بغرزه منزلقه في ثالث سلسله ارتفاع
بدايه السطر الثانى
برتفع سلسله وبتكون مجرد ارتفاع وبلف القطعه بتاعتي على الجهه الاخرى
بمعنى بنشتغل سطر على الوش وسطر على الظهر
في اول فراغ يقابلني بشتغل غرزه حشو
وبعدين بعمل سلسله اتخطى بها عمود واروح للعمود رقم 2 واعمل حشو
وبعدين سلسله اتخطى عمود واروح للفراغ واعمل حشو
سلسله اتخطى عمود واروح للعمود رقم اثنين وعامل حشو
سلسله اتخط عمود واروح للفراغ واعمل حشو
وبكمل على نفس النمط لنهايه السطر وبينتهي السطر بتاعي بغرزه منزلقه في اول غرزه حشو
.jpeg "طريقة عمل بلوفر كروشيه لفصل الخريف والشتاء")
بدايه السطر الثالث
برتفع ثلاث سلاسل وبعتبرهم باول عمود وبلف القطعه بتاعتي على الجهه الاخرى
في نفس الغرزه بشتغل كمان اتنين عمود
ثم اتخطى غرزه حشو واروح لغرزه الحشو اللي بعدها واشتغل ثلاثه عمود
اتخطى غرزه حشو وانتقل على اللي بعدها واشتغل ثلاثه عمود
واكمل على نفس النمط لنهايه السطر
وبينتهي السطر بتاعي بثالث سلسله ارتفاع بدخل فيها واعمل منزلقه وانهي السطر
بنستمر في تكرار السطر رقم 2 ورقم 3
لحين وصول القطعه للطول المطلوب
تحديد الطول المطلوب متروك لك على حسب طول البلوفر بتنتهي القطعه بتاعتنا عند حرده الابط
.jpeg "طريقة عمل بلوفر كروشيه لفصل الخريف والشتاء")
الامام والخلف
بعد ذلك بنبدا في تقسيم القطعه جزء للامام وجزء للخلف
الجزء الامامي بنقسمه على اثنين نص للجهه اليمين ونص للجهه الشمال
وبنبدا نعمل تناقص بترتيب معين وده مشروع بالتفصيل في الفيديو التعليمي
بعد الوصول للطول المطلوب بنبدا في عمل قطعه الظهر
بعد ذلك بننتقل لعمل الكمر والياقه والكم ودي بتكون باقي اجزاء البلوفر
الشرح بالتفصيل موجود في الفيديو التعليمي
لو حابه تنفيذ البلوفر لمقاسات مختلفه هتمشي على نفس الخطوات
طبعا مع اختلاف المقاس يعني هنبدا بمقاس محيط دوران اكبر حجم
وبعدين بنرتفع لغايه ما نوصل لحرده الابط
بعد ما بنوصل لحرده الابط بنبدا نقسم البلوفر بتاعنا جزء للخلف وجزء للامام
الجزءالامامي بنبدا نقسمه ناحيه يمينه وناحيه شمال
علشان نقدر نعمل تناقص لفتحه الرقبه
بعد كده بنبدا نعمل الظهر ونقفل من عند الكتفين
وبعدين بنشتغل فتحه الرقبه والكمر
وبننتقل لفتحه الدراع وبنشتغل الكم وبعدين الاساور بنفس طريقه الكمر
ده اختصار بسيط لطريقه عمل البلوفر
كل الخطوات مشروحه بالتفصيل في الفيديو تقدري تتابعيها وتنفذيها لاي سن ولاي مقاس انت عايزاه
للرجوع لجدول المقاسات ده لينك صفحه جدول المقاسات
طلعي المقاسات المظبوطه وابداي نفذي القطعه بكل سهوله
نقدر ننفذ القطعه بتاعتنا بخيط قطن وتكون مناسبه لفصل الخريف
ممكن كمان ننفذها بخيط صوف وتكون مناسبه لفصل الشتاء
طبعا فصل الشتاء لسه عليه شويه لكن دايما الكروشيه بيكون سابق بخطوه
يعني بننفذ المشاريع بتاعتنا قبل بدايه فصل الشتاء علشان نكون جاهزين لفصل الشتاء اول ما يبدا
بالقطع الشتويه في الفتره اللي جايه هننفذ مع بعض مشاريع كثير تنفع لفصل الشتاء
وان شاء الله تكون سهله ومفيده لمتابعه اجزاء البلوفر بالتفصيل ده لينك الفيديو التعليمي