جداول المقاسات

خطوات عمل جاكيت كروشيه للاطفال والكبار

بسم الله الرحمن الرحيم
ازيكم يا حبايبي عاملين ايه
موديل النهارده عباره عن جاكيت كروشيه شتوي ممكن تنفذيه للاطفال او للكبار

 خطواته سهله وبسيطه هنشتغل مع بعض بالتفصيل خطوه بخطوه

بيعتمد الجاكيت بتاعنا على الصدر الدائري
بنشتغل بغرزتين مختلفين الغرزه الاولى
وهي غرزه الصدر بتتكون من اربع سطور وبنكررهم
الغرزه الثانيه هي الغرزه اللي هنكمل بيها الجاكيت وهنعمل منها الكم
غرزه سهله وبسيطه بتتكون من سطرين وبنكررهم

الخامات المستخدمه

اشتغلت الموديل لسن من سنه لسنه ونصف
مع امكانيه تغيير المقاس ليناسب اي سن واي مقاس
نوع الخيط المستخدم
برنسيس سوفتي مقاس الابره ثلاثه ونصف
طبعا ممكن تشتغلوا باي نوع خيط مفضل لديكم وابره مناسبه لنوعيه الخيط
كميه الخيط المستخدمه من 190 الى 200 جرام تقريبا

ملحوظه اختلاف نوعيه الخيط واختلاف المقاس سوف يؤدي الى اختلاف كميه الخيط المطلوبه

مقاسات الموديل

اول مقاس بنحتاجه هو مقاس محيط دوران الرقبه
القطعه مفتوحه وفيها زراير فبنشتغل على دوران الرقبه
بتحددي السن اللي بتشتغليه القطعه بتاعتيك وبتروحي على جدول المقاسات
وتطلعي مقاس محيط دوران الرقبه وبتجمعي عليه 5سم
وبتعملي سلسله بالطول المطلوب
هنراعي فى السلسله ان تكون من مضاعفات العدد ثمانيه
بعد وصول السلسله للطول المطلوب والتاكد من انها من مضاعفات العدد ثمانيه هتزودى خمس سلاسل

بداية العمل
بتعملى سلسله بمقاس محيط دوران الرقبه
القطعه بتاعتي لسن من سنه لسنه ونصف مقاس محيط دوران الرقبه 25سم
زودت 5 سم واشتغلت سلسله بطول 30 سم
رعيت فيها تكون من مضاعفات العدد ثمانيه طلعت معي 64 غرزه
زودت في النهايه خمس غرز اصبح العدد عندي 69 غرزه
وده مناسب لسن من سنه لسنه ونصف
جاكت كروشيه شتوى بالخطوات



هنبدا نشتغل الغرزه بتاعتنا وهي عباره عن اربع سطور وبنكررها 

لحين وصول الصدر للمقاس المطلوب

المقاسات المطلوبه
للتاكد اذا كان الصدر وصل للمقاس المطلوب او يحتاج لزياده
اول مقاس مقاس محيط دوران الذراع
المقاس رقم اثنين مقاس محيط دوران الصدر بنطلع المقاس من الجدول 

وبنقسم مقاس محيط دوران الصدر على اثنين وننتقل لجزئيه الظهر ونبدا نقيس
من الممكن الاستعانه بجدول المقاسات لتسهيل العمل
لتسهيل العمل ده لينك جدول المقاسات
صفحة جدول المقاسات

لمشاهدت خطولت العمل بالتفصيل تابعوا الفيديو التعليمى

لاتترددوا فى ترك اى سؤال او استفسار وسوف اجيب علية فى اسرع وقت

يوجد ايضا على المدونة العديد من موديلات الكروشيه مع باترون للغرز

وفيديو تعليمى لكل موديل ولمزيد من الموديلات والفيديوهات التعليمية

تابعوا القناة على اليوتيوب ولتنفيذ اى موديل من اختياركم

تواصلوا معى على جروب الفيس بوك اسم الجروب جنة الكروشيه