جداول المقاسات

ايس كاب كروشيه سهل بالخطوات

بسم الله الرحمن الرحيم
ازيكم يا حبايبي عاملين ايه
موديل النهارده عباره عن ايس كاب للاطفال والكبار
مناسب جدا للمبتدئين نمط سهل وسريع
هيكون من السهل عمل الايس كاب لاي سن من خلال تحديد مقاس الكمر
وسوف اترك لكم جدول المقاسات وفيديو بخطوات العمل بالتفصيل

وصف الموديل والخامات المستخدمه

يبدا الايس كاب من اسفل من الكمر ثم نرتفع بالغرزه الى اعلى للوصول للمقاس المناسب
وده هنشرحه بالتفصيل 

بعد الوصول للمقاس المناسب نشتغل مجموعه من السطور بتناقص معين حتى نقفل الايس كاب من اعلى
اشتغلت الموديل لسن من سنه لثلاث سنين مع امكانيه تعديل المقاس ليناسب اي سن واي مقاس
نوع الخيط المستخدم
خيط صوف تركي متوسط السمك
وابره مقاس اربعه ونصف
كميه الخيط 60 جرام تقريبا
مع العلم اختلاف نوع الخيط واختلاف المقاس سيؤدي ذلك الى استخدام كميه خيط مختلفه

المقاسات المطلوبة لتنفيذ الموديل

اول مقاس هو مقاس محيط دوران الرأس
بنحدد السن ونروح على جدول المقاسات ونطلع منه مقاس محيط دوران الراس ونطرح منه 5 سم
وده بيكون طول الكمر

طول الكمر المناسب لكل الاعمار

• حديث الولاده بيكون طول الكمر من 28 ل 30 سم
• من ثلاث شهور لست شهور طول الكمر من 30 ل 35 سم
• من سن سنه له ثلاث سنوات طول الكمر من 40 ل 43 سم
• من ثلاث سنوات ل 10 سنوات طول الكمر من ثلاثه واربعين ل 48 سم
• مراهقين بيكون طول الكمر من 48 ل 50 سم
• البالغين من 50 الى 53 سم

ايس كاب كروشه سهل للمبتدئين

بدايه العمل

 في الكمر بنشتغل 8سلاسل نرتفع سلسله ودي بتكون مجرد ارتفاعه 

ونشتغل على كل سلسله غرزه حشو في النهايه بيكون عندنا 8 غرز حشو
بنبدا السطر رقم اثنين بنرتفع سلسله ودي بتكون مجرد ارتفاع

 وبنشتغل على اول غرزه غرزه حشو تحت الحلقتين

 ثم على كل غرزه بعد ذلك غرزه حشو في الحلقه الخلفيه بنشتغل على ست غرز حشو في الحلقه الخلفيه
والغرزه الاخيره بتكون غرزه حشو تحت الحلقتين
السطر بيبدا بغرزه حشو تحت الحلقتين وبينتهي بغرزه حشو تحت الحلقتين
وبنستمر في تكرار السطر رقم اثنين لحين الوصول لطول الكمر المطلوب
ايس كاب كروشيه بالخطوات

بعد الانتهاء من الكمر بنقفل حرفين الكمر ونبدا اول سطر من سطور الايس كاب
وهو عباره عن غرز حشو على نهايات السطور
مع مراعاه ان يكون عدد غرز الحشو في النهايه من مضاعفات العدد اربعه
ثم نبدا من السطر التالي في تنفيذ الغرزه المطلوبه
وهي غرزه بسيطه تكرار سطرين لحين الوصول الى الطول المناسب للايس كاب الطول المطلوب
بنروح على جدول مقاسات الايس كاب ونطلع الطول المناسب للايس كاب على حسب السن
وبنطرح من الطول اللي في الجدول من ثلاثه لاربعه سم

الطول المناسب لجميع الاعمار 

1. طبعا بعد طرح من ثلاثه ل4 سم
2. حديث الولاده 10 سم
3. من ثلاث لست شهور 13 سم
4. من ست شهور لسنه 15 سم
5. من سنه الى ثلاث سنين 17 سم
6. من ثلاث سنين لعشر سنين 18 سم
7. مراهقين 21 سم
8. بالغين 22 سم

بعد الوصول للطول المناسب على حسب الجدول اللي فات نبدا في عمل سطور التناقص
لحين الوصول لطول الايس كاب كامل
لمزيد من جداول المقاسات اضغطوا على الرابط

لينك جدول المقاسات

لمشاهدت طريقة العمل بالتفصيل تابعوا الفيديو التعليمى

لاتترددوا فى ترك اى سؤال او استفسار وسوف اجيب علية فى اسرع وقت
يوجد ايضا على المدونة العديد من موديلات الكروشيه مع باترون للغرز
وفيديو تعليمى لكل موديل ولمزيد من الموديلات والفيديوهات التعليمية
تابعوا القناة على اليوتيوب ولتنفيذ اى موديل من اختياركم
تواصلوا معى على جروب الفيس بوك اسم الجروب جنة الكروشيه