طريقة عمل فستان كروشيه سهل بالخطوات والباترون
بسم الله الرحمن الرحيم
ازيكم يا حبايبي عاملين ايه
موديل النهارده عباره عن فستان بناتي بسيط مناسب للمبتدئين
ممكن تنفيذه للاطفال وللكبار خطواته سهله جدا هنشتغلوا مع بعض بالتفصيل خطوه بخطوه
طريقه الموديل مختلفه عن الفستان التقليدي
بنحتاج مجموعه من المقاسات هنحددها مع بعض بالتفصيل
علشان يكون سهل تنفيذ الفستان لاي سن وباي مقاس
تابعوا الشرح في السطور التاليه
مواصفات وخامات الفستان
تم تنفيذ الفستان لسن من ست شهور لسنه
نوع الخيط المستخدم خيط قطن فاشون
مواصفات الخيط خيط قطن تركي ستوك بيجي بالميزان على حسب وزن الكيس بتحاسبي عليه
كميه الخيط المستخدمه من 170 ل 180 جرام تقريبا
مقاس الابره 3.5
مع امكانيه تغيير نوعيه الخيط باي نوع مفضل لديكم وابره مناسبه لنوعيه الخيط
المقاسات المطلوبه لتنفيذ الفستان
- مقاس محيط دوران الصدر
- طول حرده الكم
- الطول الكلي للموديل
بدايه تنفيذ الموديل
اول خطوه بنحتاج مقاس محيط دوران الصدر على حسب السن
بنطلع المقاس من الجدول وبنطرح من المقاس 6 سم
ثم نقسم الناتج على 2 النتيجه اللي بتطلع معانا هي دي طول سلسله البدايه
ولسهوله العمل هسيب لكم طول سلسله البدايه المناسب لكل سن
طول سلسله البدايه لسن
- سنه 23 سم
- سنتين 24 سم
- ثلاث سنين 25
- اربع سنين 26 سم
- خمس سنين 27 سم
- ست سنين 28 سم
- سبع سنين 29 سم
- ثمان سنين 30 سم
- تسع سنين 31 سم
- 10 سنين 32 سم
- 11 سنه 33 سم
- 12 سنه 34 سم
وبكده بنكون حددنا مقاس سلسله البدايه لسن من سنه ل 12 سنه
بعد تحديد طول سلسله البدايه بنبدا نشتغل سلاسل بالطول المطلوب
بنراعي في سلسله البدايه انها تكون من مضاعفات العدد 6
بشتغل القطعه بتاعتي لسن من ست شهور لسنه المقاس المطلوب مني 23 سم
رعيت في سلسله البدايه انها تكون من مضاعفات العدد 6 طلعت معايا 42 سلسله
.jpeg "فستان كروشيه بناتى صيفى")
بدايه العمل
بعد التاكد من ان السلسله من مضاعفات العدد 6 بنزود كمان سلسلتين
وبكده بيكون عدد السلاسل عندي 44 سلسله
هنبدا دلوقتي اول سطر
السطر التمهيدي رقم 1
بتخطى اول سلسله من عند الابره وبروح للسلسله رقم 2 وبشتغل غرزه حشو
الغرزه اللي بعدها غرزه حشو
وبستمر سطر من غرز الحشو وعلى كل غرزه تقابلني غرزه حشو لنهايه السطر
السطر التمهيدي رقم 2
بدايه السطر برتفع سلسله وبتكون مجرد ارتفاع وبشتغل في اول غرزه غرزه نص عمود
ثم سلسلتين اتخطى غرزتين وانتقل للغرزه الثالثه واشتغل نص عمود
ثم سلسلتين اتخطى غرزتين وانتقل للغرزه الثالثه واشتغل غرزه نص عمود
وبكمل على نفس النمط لنهايه السطر
وبينتهي السطر بتاعي بغرزه نص عمود في اخر غرزه
السطر الاول
من سطور الغرزه بتاعتنا برتفع سلسله وبتكون مجرد ارتفاع
وبشتغل في اول غرزه نص عمود غرزه حشو
ثم انتقل لغرزه النص عمود واشتغل صدفه مكونه من خمسه عمود
ثم انتقل للنص عمود واشتغل غرزه حشو
ثم انتقل للنص عمود واشتغل صدفه مكونه من خمسه عمود
وبكمل على نفس النمط لنهايه السطر وبينتهي السطر بتاعي بغرزه حشو في اخر غرزه نص عمود
السطر رقم 2
برتفع ثلاث سلاسل وبعتبرهم بعمود وبشتغل في اول غرزه حشو كمان عمود
ثم اربع سلاسل اتخطى الصدفه المكونه من خمسه عمود وانتقل لغرزه الحشو واشتغل حرف فى من عمود سلسله عمود
ثم اربع سلاسل اتخطى الصدفه المكونه من خمسه عمود وانتقل لغرزه الحشو واشتغل حرف في من عمود سلسله عمود
وبكمل على نفس النمط وبينتهي السطر بتاعي باتنين عمود في اخر غرزه حشو
السطر رقم 3
بدايه السطر برتفع ثلاث سلاسل وبعتبرهم باول عمود
وبشتغل بين اثنين عمود كمان اثنين عمود
وبكده بيكون بدا السطر بتاعي بثلاثه عمود
ثم بنتقل للصدفه المكونه من خمسه عمود اشتغل في العمود رقم 3 غرزه حشو
وباخذ في غرزه الحشو سلاسل السطر اللي فات (الطريقه بالتفصيل موجوده في الفيديو التعليمى)
بعد ذلك بنتقل لحرف الفي وبشتغل صدفه من خمسه عمود
ثم هنتقل للصدفه المكونه من خمسه عمود واشتغل في العمود رقم 3 غرزه حشو
وبكمل على نفس النمط لنهايه السطر
وبينتهي السطر بتاعي بثلاثه عمود زي ما بدا بثلاثه عمود
السطر رقم 4
بدايه السطر برتفع سلسله وبتكون مجرد ارتفاع
وبشتغل في اول غرزه غرزه حشو
ثم سلسلتين وانتقل لغرزه الحشو واشتغل حرف في من عمود سلسله عمود
ثم اربع سلاسل وانتقل لغرزه الحشو واشتغل حرف في من عمود سلسله عمود
وبكمل على نفس النمط لنهايه السطر
وبينتهي السطر بتاعي بعد اخر حرف في بشتغل سلسلتين وبنتقل لاخر غرزه في السطر وبشتغل فيها غرزه حشو وهو ده النمط بتاعنا اللي هيفضل يتكرر عباره عن اربع سطور وبنكررهم
لمشاهده الطريقه عملي تابعه الفيديو التعليمي
هنفضل نشتغل ونكرر في الاربع سطور لغايه القطعه بتاعتنا ما توصل للطول المطلوب
والطول المطلوب بيكون طول حرده الابط زائد 5 ل 6 سم
طول الصدر المناسب لجميع الاعمار
الطول المناسب للقطعه بتاعتنا لسن
- سنه 15 سم
- سنتين 15 سم
- ثلاث سنين 16 سم
- اربع سنين 17 سم
- خمس سنين 18 سم
- ست سنين 19 سم
- سبع سنين 20 سم
- ثمان سنين 21 سم
- تسع سنين 21 سم
- 10 سنين 22 سم
- 11 سنه 22 سم
- 12 سنه 23 سم
- لو طفله موجوده يفضل اخذ المقاس مباشره من الطفله وده بيكون عن طريق القياس من عند منطقه الكتف لمنطقه الوسط وده بيكون طول القطعه بتاعتنا
بعد وصول القطعه للمقاس المطلوب بنشتغل قطعه ثانيه بنفس المقاس
يعني بنحتاج قطعتين قطعه للامام وقطعه للخلف بنفس طريقه الشغل
ونفس عدد السطور ونفس المقاسات
والان نبدا في تقفيل القطعه بتاعتنا
طريقه التقفيل مشروحه بالتفصيل في الفيديو التعليمي
بعد تقفيل القطعه بنبدا نعمل كورنيش الكم وده باترون الكورنيش
بعد ذلك بننتقل لي النصف الثاني للفستان
بنوصل الخيط من منطقه الجنب
السطر الاول
برتفع ثلاث سلاسل وبعتبرهم باول عمود وبشتغل في نفس الغرزه كمان اثنين عمود
ثم سلسلتين وفي نفس الغرزه كمان عمود
اتخطى غرزتين وبروح للغرزه الثالثه وبشتغل صدفه جديده من ثلاثه عمود سلسلتين عمود
ثم اتخطى غرزه وانتقل للغرزه الثالثه واشتغل صدفه من ثلاثه عمود سلسلتين عمود
وبستمر على نفس النمط لنهايه السطر
وبينتهي السطر بتاعي بغرزه منزلقه في ثالث سلسله ارتفاع
السطر الثانى
بمشي بمنزلقه على اول ثلاثه عمود لحين الوصول لفراغ اول صدفه
برتفع ثلاث سلاسل وبعتبرهم باول عمود وبشتغل كمان سلسلتين ثم ثلاثه عمود في نفس الفراغ
وبكده بنكون عكسنا الصدفه بتاعتنا
ثم انتقل للصدفه التاليه واشتغل تحت السلسلتين صدفه جديده من عمود سلسلتين ثلاثه عمود
وبستمر على نفس النمط لنهايه السطر
وبينتهي السطر بتاعي بغرزه منزلقه في ثالث سلسله ارتفاع
السطر الثالث
بنتقل بغرزه منزلقه لاول فراغ في اول صدفه
برتفع ثلاث سلاسل وبعتبرهم بعمود
وبشتغل كمان اثنين عمود في نفس الفراغ ثم سلسلتين وبشتغل كمان عمود في نفس الفراغ
وبكده بنكون عكسنا الصدفه بتاعتنا وكونا اول صدفه
ثم انتقل للصدفه التاليه واشتغل صدفه جديده من ثلاثه عمود سلسلتين عمود
ثم الصدفه التاليه ادخل تحت السلسلتين واشتغل صدفه جديده من ثلاثه عمود سلسلتين عمود
وبكمل على نفس النمط لنهايه السطر
وبنفضل نكرر (السطر رقم اثنين والسطر رقم ثلاثه )
لحين وصول القطعه للطول المطلوب
لو حابه الفستان يكون واسع طريقه التزايد في الفيديو التعليمى
والان لمزيد من جداول المقاسات دة لينك صفحة جداول المقاسات
لمشاهده طريقه الشغل عملي تابعوا الفيديو التعليمي
وبكده بنكون اشتغلنا مع بعض القطعه بالتفصيل خطوه بخطوه لا تترددوا في ترك اي سؤال او استفسار